دِيارِ لَيلى

مؤخراً و بعد شويه تأملات لاحظت حاجه خطيره جدا اني مش بعرف احط خطه طويله المدي او بعيده و حتي في الحاجات الصغيره مش بعرف اركز علي الهدف من الي انا بعمله الحوار دا ظهر جدآ في لعبه كاندي كراش 😅 اللعبه بيكون كل ليفيل منها له هدف معين محتاج تركز عليه عشان تعدي مش مجرد انك تماتش الحاجات وخلاص يعني لو الهدف من الليفيل انك تجمع فراوله انجازاتك في جمع القلقاس مش هيفيدك بأي حاجة حتي لو كسرت الريكورد في تجميع القلقاس انت لسه واقف مكانك و هتعيد الليفل تاني لحد ما توصل لهدف اللعبه انك تجمع فراوله بحس بإسقاط دا علي حياتي اني بتسحل في حاجات عشوائية ملهاش علاقه بالهدف الي مفروض اكون بسعاله وبشوف الحاجات اللي تحت رجليا عشان جايز مش بقدر علي فكره اني احط هدف بعيد و امشيله خطوات و موصلوش جايز حصل دا كذا مره ومش قادرة اكرر فكره اني اروح من الحماس المفرط لخيبه الأمل الي راكبه جمل اي حاجه بحسها بعيده و صعبه بقنع نفسي اني مش محتاجاها ما انا تمام اهو و زي الفل و باكل فراخ اي حاجه هتاخد وقت و مجهود كبير بتجيبلي ضيق تنفس و بحس بضغط بشع في مجرد التخطيط ليها بفضل ال quick wins زي ما بيقولو  بس الحياه